2020-10-02, 週五

【免費攞尿片】實試港九新界20大商場應急服務

自從生咗BB之後,每次同小朋友出街,除咗要帶多一袋BB用品外,去嘅地方都要考慮得周全一啲。通常會選擇有育嬰設施嘅地方,例如會揀啲有育嬰室、哺乳間嘅商場、坐得舒服嘅食肆,或者可以擺放BB車嘅地方。

唔講大家可能唔知,其實好多商場都有免費尿片提供畀BB應急,想知邊個商場有呢個服務、提供乜嘢牌子尿片、有乜Size揀?我哋就走勻港九新界20個商場同大家搜集到資料返嚟喇!

【親子頭條】實試港九新界20大商場應急服務

如果你個小朋友仲係用緊尿片,就一定要睇!真係超實用!

 

20161031 5034H006

尖沙咀K11 - 散裝 Huggies / 有後期包裝 + 用完即棄換片墊 / 只有M碼

荃新天地 – 散裝 Pampers / 無後期包裝 / 只有M碼 / 要登記人名

荃灣廣場 – 散裝 不明品牌 / 無後期包裝 / 只有S、M / 須收$1作慈善用途

青衣城- 獨立包裝 Goon / S、M、L、XL

元朗YOHO Town II – 散裝 不明品牌 / 有後期包裝 / 只有XL

觀塘APM – 散裝 萬寧牌 / 無後期包裝 / 只有L

九龍灣德福廣場 – 散裝 Pampers / 有後期包裝 / 只有M、L

尖東海港城 – 散裝 Huggies / 有後期包裝 / S、M、L、XL

尖沙咀美麗華廣場 – nepia 獨立包裝 / S、M、L

沙田新城市廣場一期 - 獨立包裝 Goon / S、M、L、XL

大埔超級城 – 散裝 Mustela / 無後期包裝 / 只有M、L / 須捐$1到香港導盲犬協會

旺角新世紀廣場 - 獨立包裝 噓噓樂 / 只有M、L

旺角朗豪坊 – 沒有此服務

屯門市廣場 – 沒有此服務

銅鑼灣希慎廣場 – 沒有此服務

銅鑼灣皇室堡 – 沒有此服務

將軍澳新都城 – 沒有此服務

東港城 – 散裝 噓噓樂 / 無後期包裝 / 只有S、L

Popcorn - 散裝 不明品牌 / 無後期包裝 / 只有S、M

葵芳新都會 - 散裝 Mustela / 無後期包裝 / 只有L

(攞尿片測試日期為9月中至10月,全部數據僅為查詢當日所得。)

【親子頭條】實試港九新界20大商場應急服務

睇完之後,大家以後就知道邊個商場有咩尿片攞喇,萬一阿B突然痾咗BooBoo而你又咁啱用晒啲片,你都知道邊個商場即刻可以畀你免費攞塊尿片應急!個人覺得有得揀就緊係揀獨立包裝嘅尿片Sample,因為最衛生。

【親子頭條】實試港九新界20大商場應急服務

不過萬一真係無得揀,就算只係得散裝不明品牌,都要頂住先!另外K11附加一張自家換片墊亦非常貼心,值得一讚!至於果幾家仲有未有提供免費尿片服務嘅商場,唔該檢討下!

【親子頭條】實試港九新界20大商場應急服務

最後,又提提各位家長,雖然商場詢問處有得免費拎尿片好方便,但千祈唔好貪心喪拎,因為始終呢個都係應急服務,應該要留返畀真正有需要嘅BB!