2020-02-19, 週三

【功課專區】乘除關係圖KO家長

做人父母甚艱難,但依家做仔女、做學生都唔容易!面對堆積如山嘅功課已經好慘,更離譜嘅係唔知點解仔女上堂明明有聽書,但功課都係唔識做,究竟點解啊。

近日有家長於網絡平台分享了一份仔女的小四數學功課,成年人一眼望落去都未必識計,內容牽涉推理的成份較多!雖然題目都有列出少少思考步驟教大家,但呢類題目對鍾意數學嘅同學仔嚟講就好玩,唔鍾意嘅只會進一步令佢地憎恨數學科。

20161215 5504 A1

圖片截自網絡

除此之外,依家數學科仲會成日出現一d家長唔明嘅詞彙,因此即使仔女唔識做去問爹哋媽咪都未必解答到。就好似以下呢位家長咁,佢完全唔明題目要求答嘅乘除關係圖姐係咩,其實小編我都唔係好知姐係要答咩,我地讀書個年代好似無見過呢個詞彙,想當年睇完題目就直接計個答案架啦,洗鬼答乜乘除關係圖!

20161215 5504 A2

圖片截自網絡

奧數類題目滲入日常家課只會令不精於數學嘅同學仔備受打擊,最恐怖嘅係家課你避唔到焗住做!學校變相係一個扼殺學習興趣嘅地方,真係本末倒置。