2019-10-22, 週二

【三姑六婆】新手爸爸信偏方 米水沖奶飲到抽筋

每個人鄉下都會有D奇奇怪怪嘅偏方,偏方之所以叫偏方,就係因為未經證實療效,自己人圍埋覺得有效就一代代吹捧落去!傳統智慧絕對係有值得學習嘅地方,而唔係樣樣都照單全收,如果唔係就無好似呢位爸爸咁,累到自己個仔入院。

20170216 6099 A2

呢位來自福建廈門的林姓爸爸,因為留意到自己個仔成日都有眼屎(佢個仔當時出世未足28日),咁當然就要問下村入面德高望重嘅老人家啦,經驗豐富嘅老人就話,因為奶粉飲太多個BB上火,所以就眼屎比較多,建議林爸爸沖稀釋少少奶粉先比BB飲。因為村入面唔少小朋友身體唔舒服,都會問呢位老人意見,於是林爸爸都對此深信不疑。

20170216 6099 A1

深信偏方的「孩子有眼屎需要喝米湯(米水)降火」的林爸爸,開始用米水沖奶粉比小朋友飲,而且奶粉方面更加係稀釋咗接近四倍。一星期過後,有次餵食時,BB搖頭揈手,完全係一副唔想食嘅樣,面色仲差到冇人有,於是打電話叫救護,醫護人員到達時BB已經出現抽搐現象。

負責的王禮週醫生表示,BB體內鈉鎂都低於正常值,出現電解質嚴重紊亂,尤其血鈉值已是危急值。 同時因為奶粉量少導致氯化鈉攝入不足而水份攝入正常,從而引起細胞外液過多的低鈉血症,發生腦水腫,導致孩子出現抽搐、意識障礙等情況

經治療後,小朋友已經由ICU轉到普通病房,係到都要再提提大家,有咩問題記得睇醫生,唔好誤信街坊鄰里所提供嘅偏方。

圖片:網絡

綜合/海峽導報