2020-09-29, 週二

【提高警覺﹗】拐子婆旺角趁人多想扯走小朋友

香港雖是一個安全城市,即使偶爾聽聞有「拐子佬」出現,但總不會係光天白日之下,明目張膽去搶小朋友吧﹗不過,昨日就有媽媽卻在旺角差點被人搶細路!

事發於昨日下午2時,呢位媽媽帶著小朋友去旺角雅蘭一期睇完醫生後,行經砵蘭街附近(對面是朗豪坊門口),打算沿報紙檔行去的士站。當時人流很多,而媽媽亦一直拖實小朋友未有鬆過手,突然有位婆婆(媽媽形容是呀婆)拖住小朋友另一邊手,扮曬一家人咁一齊行;媽媽嚇了一嚇,馬上拉著孩子往自己身邊,但對方仍未有放手的打算;最後,媽媽立即抱起小朋友,並問對方咩事,該名呀婆才鬆開手扮無事咁走開。由於仲係午餐時段,現場有好多途人目撃事件發生,事後有人問媽媽是否認識對方,媽媽回答「唔識」後,大家都嚇了一跳﹗

【親子頭條】拐子婆旺角趁人多想扯走小朋友

事發在砵蘭街朗豪坊門口對面行人路,平時人流已十分多。

 

媽媽事後諗返起件事都真係愈諗愈驚﹗因為,無諗過喺眾目睽睽下,居然有人夠膽去搶有家長拖實的小朋友﹗事敗後也可以施施然咁笑住走,想像唔到可以咁猖狂﹗媽媽後來在其Facebook專頁發文,講述事件經過,同叫各位唔好掉以輕心,真係要睇實小朋友﹗【親子頭條】拐子婆旺角趁人多想扯走小朋友

媽媽本身是食譜作家,更她的Facebook專頁《絲房菜》講述事件經過,令一眾家長譁然﹗

該媽媽後來報警落口供及備案,相信警察亦會十分關注此事。但各位家長帶小朋友出街或去公園玩時,就真係要提高警覺了﹗

資料及相片來源:Facebook專頁《絲房菜》