雖然話教科書主要用途係用嚟傳授知識,但小朋友日日上堂對住本書,如果插圖靚啲,相信佢地都會掀多幾次本書嚟睇。

日本小學一間出版社,最新版嘅道德科教科書就搵咗知名動畫導演親自繪製封面,靚到好似本輕小說咁呀!

 20170707 7250 B01

呢位動畫導演叫新井陽次郎,由吉卜力動畫師出身(即高畑勲、宮崎駿等作品嘅動畫工作室),至今為道德科教科書畫咗1至6年級、總共6本書封面,角色更隨住年級增長而同學生一齊成長,非常有心思。

不過講返轉頭,雖然香港嘅教科書圖畫未去到咁精緻,但教科書嘅公仔都陪伴住大家成長,一樣都令人難忘。

 圖片來源:Twitter「Yojiro Arai」

會員評分: 0 / 5

不啟用星號不啟用星號不啟用星號不啟用星號不啟用星號不啟用星號
 
×