無錯!又係BLW,呢期熱門話題!主張以BLW方式讓BB自主進食的家長,通常都會將蔬菜、水果等食物切成條狀,讓BB自己拎住食。糊仔菜泥呀、果蓉呀呢啲整到食物「面目全非」嘅食法,BLW支持者係唔建議架!

據了解,BLW理論係著重BB自己手拎食物,感覺該食物嘅觸感同埋直接食入口嘅口感。如果個BB食得叻呀,就算係幾個月人仔都可以自己食雞槌添呀。(嗱!唔識唔好亂學呀!人地BB唔同你個BB呀!人地得唔代表你得!)有媽媽就問Hody  Ma:「咁將食物全部切到一條條咁,佢地咪以為全世界嘅食物都係條狀囉!」嗯,呢個問題我都唔識答,我又唔係專家。不過我估可以畀佢食之前睇睇每種食物原本個樣,等佢地認下先嘅。又有媽媽問:「咁畀佢地習慣咗用手自己探索食物,第時大個會唔會打邊爐都用手食架?」喂呀,係咪想笑死我呀?我點知啫,個個BB都唔同架嘛!
好啦,我地又正經講返BLW先,菜莖、紅椒、黃椒或者長通粉等就可以一條條咁自己拎住食啫,咁米飯又可以點搞呢?白飯細細粒咁,BB好難拎住食喎。

【親子飲食】3秒自製「波波飯糰」神器

【親子飲食】3秒自製「波波飯糰」神器

今次就為大家介紹一下呢個喺BLW媽媽界相當受歡迎嘅自製「波波飯」神器,只要將適量嘅熟米飯放入呢個神器入面,上下搖兩搖,3秒即可製成一粒粒圓圓嘅「波波飯」,放幾粒落個Happy Mat上面其中一格,BB就可以好方便咁一手拎住一個「波波飯」食喇!

【親子飲食】3秒自製「波波飯糰」神器

將米飯整到一個波波咁,就可以方便BB一手拎住一個自己食。佢覺得好玩時,你又睇佢食得開心,雙嬴!

【親子飲食】3秒自製「波波飯糰」神器

呢個整波波飯糰工具喺邊買?就係12蚊店喇!仲有好多其他選擇架,不過今次介紹橙色包裝呢款就可以一次整3粒飯糰,好搶手架!成日一返貨就被掃晒,手慢無呀!(真係唔係廣告,純分享。)

【親子飲食】3秒自製「波波飯糰」神器
除咗BLW之外,等BB大個啲又可以繼續用佢黎整得意便當,唔怕佢嫌悶唔肯食飯。

最後等Hody Ma戴返個頭盔先,咁樣整到啲白飯一個一個波咁,呢個做法如果放落BLW理論入面,BB又會唔會以為白飯原本就係一個個波咁呢?媽呀!咁點好呀?我好亂呀!等我下次搵個真正BLW專家又或者醫生問下意見先。

 

會員評分: 0 / 5

不啟用星號不啟用星號不啟用星號不啟用星號不啟用星號不啟用星號
 
×