2019-09-22, 週日

【慳得就慳】初生BB大得快最好執二手衫

BB出世之後,真係轉下眼又大咗,所以小編聽身邊朋友講沒有買太多衫畀阿B,以免著兩次就唔啱著。果然愈近生嘅時候,愈多朋友話可以供給二手BB衫,而家已經收集咗幾袋,分分鐘多到著唔晒添呀!

【親子交流】初生bb大得快最好執二手衫

其實BB初初都不會出街太多,所以最重要係準備打底和尚袍,因為分分鐘一日要換幾件,如果咁計落買都買到窮,好彩朋友慷慨將新束束的衣物轉贈,而家囝囝未出現已經有好多衫仔等住佢著,最多都係添置一兩件見人嘅衫仔。

【親子交流】初生bb大得快最好執二手衫

話咁快下個月就生得,小編昨天趁放假又好天已經進行咗首輪清洗BB衫工程,首先未洗之前就先幫洗衣機做咗清潔,用咗清潔洗衣機專用粉,配合洗衣機有的清潔滾桶模式,總共清潔咗兩轉,之後就將第一機BB衫放入去,用BB專用洗衣液來清洗嬰兒衫。由於洗衣機有個專洗BB衫嘅模式就開嚟試下,原來佢自動調較咗用熱水洗BB衫,感覺真係乾淨同埋消咗毒咁。

【親子交流】初生bb大得快最好執二手衫

洗完之後就晾起啲衫仔,見到呢個全部都係BB衫嘅畫面,真係好期待呀!各位媽媽,你哋當時係咪都有相同嘅感覺呀?又覺唔覺得有二手衫執真係慳好多?定或是你哋比較喜歡用第一手嘢多啲?歡迎留個言分享,又或者提供下你地洗衫嘅小貼士丫。

×