作為人奶媽,相信各位都同Summer一樣,日日夜夜諗盡方法要上奶多奶,務求泵「爆樽」,因為好怕聽到「你唔夠奶畀你個仔食呀」、「係咪唔夠飽呀」。所以不斷搜尋各種可以有機會上奶的方法,進食上奶食品相信是最容易做到的,小編都試過多種,等我為大家公開當中的十大啦!

【親子交流】十大上奶食品飲品

黑豆茶

由坐月時代開始,黑豆都說是上奶或補身恩物,媽媽加入黑豆入炒米茶及湯之中,希望有幫助,所以而家返工日日都飲黑豆茶,希望能夠保持奶量。

黑豆奶/豆漿

【親子交流】十大上奶食品飲品

有說維他奶黑豆奶非常有效,小編入的媽媽Group入面,有不少媽媽都有飲呀,小編都差不多日飲一盒,奶量就不過不失咁啦。

米漿

【親子交流】十大上奶食品飲品

【親子交流】十大上奶食品飲品

有媽媽說飲米漿有效,但小編自己試過就覺得分別不算太大,不過如果真係苦無上奶良方,飲來試試亦無妨。

椰奶/椰青水

不少媽媽說飲椰奶或椰青水都有效,小編就有飲椰奶,功效就普普通通,但味道就好不錯。

黑麥汁

坐月階段都有飲過,不過自己就唔太喜愛個味道,喜歡的話可以試試。

魚湯

【親子交流】十大上奶食品飲品

據講石崇魚、石九公、紅檀魚的上奶功效最好,小編就因為開刀關係,飲過石崇魚(聽講對傷口好),而紅檀魚媽媽就用黑豆紅棗一齊煲,味道超甜超好飲,上奶功效一流。

白飯

聽其他人奶媽講,白飯上奶都好好,所以坐月其間每餐都食兩碗飯。

三文魚

有媽媽話食完三文魚之後爆奶,但小編自己就仲未敢食生嘢。

生蠔

有媽媽食完生蠔奶量增加不少,不過亦有媽媽話食咗幾打都無多奶。

榴槤

小編媽媽就買過一次貓山王同一次金枕頭我食,除咗上奶之外,媽媽話榴槤都可以補身喎。

以上十種小編都試得7788,其實我估上奶與否,實在是因人而異,有些人可能一樣都不用試都已經好多奶,但有人做齊十樣甚至更多都仍是窮媽,不過大家都是懷著平常心,放鬆心情才是維持奶量最重要做的事!

 

會員評分: 0 / 5

不啟用星號不啟用星號不啟用星號不啟用星號不啟用星號不啟用星號
 
×