9578

 

有日有位先生面色好差咁嚟到診所。
佢行埋嚟登記處細細聲講:「姑娘,登記呀,你哋要救我呀」
我:「你邊度唔舒服呀?你面色都好差喎」
佢:「我俾嘢插住好唔舒服呀」

20181206 9578 B01
我大為緊張:「邊度呀?整到邊度呀?」
佢:「喺個胃對落呀,插住咗成晚,我真係就死㗎啦」
我:「你俾啲咩插住呀?我哋呢度冇手術做㗎,一係你坐低先,我嗌醫生望望先呀,有需要嘅你都要去醫院㗎啦,知唔知呀?」
佢:「應該係屎」
我靜咗幾秒。
佢見我呆咗:「姑娘?」
我:「係講屎?你講你個胃俾屎插住?」
佢:「係呀,佢再插上去就頂心杉咁㗎啦」
你係嚟搞爛gag的嗎?枉我頭先為你而緊張…
我:「身分證呀,我同你登記啦」
佢拎出身分證問:「我會唔會死㗎?」
如果你咁都死,你會成為史上第一個俾條屎插死嘅人,真係遺臭萬年啊。
我:「你冇去廁所幾日咋嘛?」
佢:「我有去廁所,係屙唔到佢出嚟,佢咪越生越長越頂越上」


你唔好再搞爛gag啦好嗎?我笑點好低㗎咋~你條屎快高長大啊。


我:「冇事嘅,醫生會開藥俾你嘅啦,放心啦,登記完㗎啦,你坐低等等呀」
佢:「我坐唔到呀,佢真係成條咁插住呀,我摺唔埋呀」
我:「咁你企吓啦,搵面牆挨吓啦,等六個啊」
佢:「仲要等六個呀?佢又生多幾吋㗎啦喎」
再咁生法,你都會高幾吋啊~

 

會員評分: 0 / 5

不啟用星號不啟用星號不啟用星號不啟用星號不啟用星號不啟用星號
 
×