9773 11

 

[DR-Max教材大王-支持]有日診所有幾對互不相識嘅母子父子登記完坐喺度等醫生返~
其中一對母子比較後生,小朋友十歲以下…

 

 

呢位小朋友坐坐吓開始唔耐煩,開始周圍走搵嘢玩。
佢睇中咗我哋擺出嚟嘅單張~於是佢抽起一疊散落地上,邊踩邊滑行邊叫喧。


我同小朋友講:「小朋友,唔好咁玩啲單張呀,人哋要嚟睇㗎,唔係俾你咁玩㗎。」
小朋友望望我,一於廢事啋我,再轉身拎埋其他單張散落地上。
佢媽媽由始至終都係咁自己坐埋一邊玩電話…
其他人見到咁嘅情況都搖晒頭~


當中有位先生帶佢年老爸爸嚟睇醫生嘅,先生忍唔住出聲同個媽媽講:「太太,你叫你個仔唔好再咁啦。」
媽媽望望先生,露出一副不屑嘴臉:「我教唔到我個仔喎,咁叻你教呀!」
先生望望個小朋友,再望望個媽媽,狀甚谷氣,先生企起身了!
我以為先生會衝埋去打個小朋友一身,想阻止命案發生:「先生!」
先生行去媽媽身邊,摀低身用雙眼望住媽媽。
媽媽見佢貼到咁埋,個身自然避避:「你做咩呀?」
先生喺媽媽耳邊大叫:「呀!!!!!!!呀!!!!!!」
媽媽立即掩住耳仔彈起身彈得遠遠,一臉驚慌問:「你做咩呀?你痴線㗎?喺我耳邊咁大聲嗌?」
先生冇理佢,繼續追住佢耳邊大叫:「呀!!!」
媽媽行到埋嚟登記處:「姑娘呀,佢痴線㗎。」
唔知個小朋友係咪覺得咁樣好好玩,於是小朋友又走埋嚟喺媽媽身邊大叫:「呀!!!!!!!!」
先生又『呀!!!!!』,小朋友又『呀!!!!!』,好嘈…
媽媽望住先生嘅年老爸爸問:「喂!你個仔嚟呀?嗌你個仔收聲啦!佢搞到我個仔都學埋佢啦。」


爸爸笑笑說:「我個仔都咁大囉,我仲邊教得到呀?你教呀。」


媽媽呆咗一陣,之後同我講:「你啲客呀!啲痴線走咗先好叫我過嚟呀!」
佢急急腳拖住個仔離開診所,明明走咗一段路,我都仲聽到佢個仔仍然喺出面『呀!!!!!!』緊…

 

 

DR Max LOGO whitestoke 150px DR-Max Limited 於 2004 年 12 月在香港成立,現已成為全港最大兒童教育服務供應商之一, 其編製的 Electronic English英語教材獲得多項殊榮,產品依照可持續性之理念, 為學生編排每日功課量及獎勵計劃,鼓勵持續學習,一點就明。

 

 

會員評分: 0 / 5

不啟用星號不啟用星號不啟用星號不啟用星號不啟用星號不啟用星號
 
×