2019-11-13, 週三

【話你知】專家:「幼稚園k1收生『細b』係次選!」

早前收到不少讀者反應自己嘅「細B」面試K1屢戰屢敗,而小編同囡囡亦面臨同樣問題!我更以親身經歷寫了一篇文章,刊出後好多家長比咗唔少寶貴意見我,認為面試失敗未必直接同「細B」有關,小編反覆思考,其實家長所言並非不無道理!

經過同大家理性討論後,我就引申出兩個迷思,到底「細B」真係會比較唔受幼稚園歡迎?同埋讀過N班真係有優勢?

20161221 5566 A1

當然如果我再引用自己的親身經歷去論證實在太欠公信力,於是我搵嚟亞加比教育中心校長Samantha,佢協助過無數學生通過面試,對現今幼兒教育了解得十分透徹,依家就等佢幫各位讀者「破迷思」!

20161221 5566 A2

「細B」係次選,除非面試突出

Samantha指好多學校都唔鍾意「收細仔」,因為細仔和大仔可以有半年至一年嘅差距,相信父母自己都會覺得,即使係相差一個月,仔女都係有一定有差別嘅。如果細路仔有半年至一年的嘅差別,其實分別可以好大!

係幼稚園立場嚟講,大仔的確比較容易教,而且亦比較容易掌握同溝通,所以好多學校都會將細仔作次選,除非細仔係面試時表現非常突出。

20161221 5566 A3

讀過N班更勝一籌

好不幸地,Samantha直言,其實幼稚園的確鍾意收有讀過N班嘅小朋友,因為佢地已經比同齡小朋友早半年至一年返學,比較識規矩,亦會比較少喊同嘈吵!

而且相比起冇讀過N班嘅小朋友,佢地會比較清楚咩係「學習」,相對嚟講,的確比較優秀。

不過大家唔使太灰,上述只係概括情況,講到尾最重要都係面試當日表唔表現得好,比校長見到即使係「細B」都唔會同其他同學出現巨大差距!學校最驚係收「麻煩」同「難湊」嘅家長同學生,所以我講左d咩?大家自己參透下。