【開倉平賣】3件都係$40 平到你唔信

位於金龍工業中心二期四樓嘅Tin Kwan Baby 童裝開倉 BB Outlet，據街坊透露，佢地會長期Keep住做開倉優惠價，小編去果陣都算多人，等我帶大家行返一轉先。

(BB造型連身衫 $48)

個場算係少有嘅整潔，架上面嘅衫大多數都用膠袋套住，所以即使係陳列品都唔會好污糟，唯獨價錢標籤方面就做得比較失策，唔少貨品都無標明實價，可能要麻煩一下，主動向職員查詢。

佢地有唔少套裝賣，好似上圖咁，一SET有兩件衫(一藍一黃)加一條褲仔咁都係$128。

呢到基本上一年四季嘅衫褲都會買到，長袖短袖甚至羽祴冷衫都應有盡有！而媽咪想要咩風格都冇問題！連由頭包到落腳嘅造型衫都有得賣（圖最左）。

連體衣一件$40都叫做可以接受，買三件就$100蚊，即刻抵好多！當然未計折扣後可以仲平啦，咁到底折扣係點計，我地最後先拆解！

要講全場最抵就一定係三件裝$40系列，除返開都係大約$13件！

3件套裝有好多唔同組合，大家買之前要睇清楚，可能會有3件都係衫；可能係1個口水肩1件衫再加條褲；可能係2件衫加一條褲等等。

我就自己買左呢一個BB枕頭，$25蚊，咁最後就講返折扣點計啦！門市即場免費登記會員可享9折優惠，購物滿$450就有85折！店舖只收現金，媽咪記住準備充足銀彈。

Tin Kwan Baby 童裝開倉 BB Outlet

原來佢地仲有柴灣分店，不過開放時間會有唔同，大家要留意返。

開放時間: (葵芳) 星期一至日天天營業(下午12:00 至 晚上7:00) / (柴灣) 逢星期六、日營業(下午12:00 至 晚上7:00)