【50年歷史冰室】必食超正蕃茄撈蛋麵

位於尖沙咀香檳大廈地庫的星座冰室，其實位置有點隱秘，由於香檳大廈的店舖類型比較「廣泛」，如雜貨店、按摩店等，所以一般人都不會聯想到地庫會有食店。所以當你看到大廈樓梯陰陰暗暗、又有按摩店廣告招牌，唔使驚，直接行落去就可以喇！

星座冰室就係咁架喇！

現場比相片睇落會再陰暗一啲。

現場非常古舊，唔係扮古舊，係真係好殘舊，因為啲檯檯櫈櫈都有幾十年歷史喇。

超懷舊黑板白字，不過我記得上次嚟果陣啲字係再殘舊啲，可能呢啲字已經重申過！

唔止裝潢古舊，就連水吧同收銀阿叔都係，收銀阿叔揭報紙、水吧阿叔就大模斯樣企喺水吧位置抽煙！唔知點解，佢哋嘅行為同現場環境好配合，完全無違和感！

呢度嘅粉麵價錢由$32至$40不等，另有魚片、白菜、炸丸等小食。

蕃茄撈蛋通$32，外觀雖然好似嘔吐物「杰撻撻咁」，但係真係好好味喎！

如果大家食牛肉的話，茄牛麵$32又係必食！基本上就係鮮茄蓉撈麵咁，無湯架！

地址：尖沙咀金巴利道16-20號香檳大廈地庫36號舖

營業時間：星期一至六8am至21:30pm；星期日休息