【明慧隨筆】輕鬆處理幼兒氣話

圖片來源︰網絡

當兒子開始「懂人話」的時候，就運用他無窮豐富的想像力，加上他自以為好叻的語言能力，在發脾氣的時候用盡一切攻擊性的氣話，試圖可以把我一擊倒下，開始的時候，我每次都中計，被他激到噴血，自己也暴跳如雷。後來我想想不對路，為什麼要跟他較真呢﹗有時一兩句輕鬆的回應，可能就可以化解當下的緊張氣氛。

讓我先回顧一下他不同階段發脾氣時說的話﹕

2歲半時﹕

仔﹕「你走啊﹗我唔要你啊﹗你走﹗」

我﹕「呢度係我屋企，我走去邊﹖」

仔﹕「你走﹗你去上水﹗」

我﹕「去上水做乜嘢呀﹖」(百思不得其解中…..)

仔﹕「你去上水搵馬小姐﹗」

我﹕「……………….﹖」(誰是馬小姐﹖哈哈哈……)

3歲時﹕

仔﹕「我唔要你呀﹗我將你丟去垃圾桶呀﹗」

我﹕「垃圾桶咁細個，放唔落我喔﹗」

仔﹕「咁…咁我將你煲熟來食左佢﹗」

我﹕「嘩﹗個煲仲細個，都放唔落我喔﹗」

仔﹕「……………..」(繼續大哭)

    (我都幾肯定他不知道自己在說什麼，哈哈哈﹗)

3歲半時﹕

仔﹕「我最唔中意你啊﹗我最中意婆婆﹗我將個玻璃樽擺喺你個頭度啊﹗」

我﹕「但我最中意你喔﹗我唔中意玻璃樽喺個頭度，其他嘢得唔得﹖」

     (我一邊講一邊忍唔住笑，哈哈﹗)

仔﹕「唔得﹗一定要玻璃樽﹗」

我﹕「唔要﹗」(如此十個來回，他覺得無癮，就繼續哭算了……)

4歲時﹕

仔﹕「你係全世界最曳嘅媽媽，我最唔中意你﹗」

我﹕「你咁叻嘅﹖你知道咩叫全世界呀﹖」

仔﹕「…………..」(我一句完美KO左，哈哈﹗)

現在他發脾氣時仍然會講一些攻擊性、破壞性很強的說話，但我已經養成輕鬆應對的狀態，如果是涉及意識上會傷害別人的話，還是需要事後的引導。慢慢地把他引領到一個懂得站在別人角度想事情，體會別人的感覺，是我的長遠目標。