2019-10-20, 週日

【畀幾百唔使煩!】一家大細日本郊區純玩Day Tour

一路以為去泰國、布吉搭船出島果類行程先會Join Day Tour,最近發現原來去日本都可以參加一日純玩團。講緊嘅當然係郊區地方而唔係可以好方便就搭到JR去嘅市區啦!

須知道日本雖然多用漢字,自由行配套都成熟,但係有老有幼一家大細去旅行,尤其去郊區,下下都2-3小時車程甚至轉車,如果唔係自駕遊都好辛苦。想大家玩得舒服,參加呢類一天純玩團就夠方便實惠。

【休閒消遣】一家大細日本郊區純玩day-tour

呢類一天團與傳統旅行團最大分別係無小費、影相費,但就有華語導遊詳盡講解當地特色,明買明賣勻真啲。

 

20161121 5250 x

就好似呢個去白川鄉嘅一日團,就包埋食日本4大名牛飛驒牛,自由選擇逛高山或浸溫泉。團費係8百幾蚊起,包交通費、導遊及司機服務費、午餐費等費用。10人成團,最正係3歲以下免費,帶埋小朋友去玩都抵啲!有興趣可以自行上網search有關資料。

【休閒消遣】一家大細日本郊區純玩day-tour

白川鄉合掌村保留江戶時代建築,全間屋唔使用釘建造,又尖又斜既屋頂可以有效防止雪積得太厚而壓爛間屋,冬天個景好正!