【圖案自己揀】迪士尼樂園整印名靚水樽

上個星期去迪士尼樂園玩，偶然發現樂園嘅紀念品店內多咗好多新產品，其中一樣就係膠水樽喇！不同顏色、圖案及大小設計嘅水樽都有，款式選擇超多。

其中一個名為自家“津”嘅水樽系列就吸引咗我嘅眼球！

自家“津”有兩種Size選擇，售價為$118

最大賣點是可以自己揀樽蓋顏色、圖案...

最特別係可以印埋自己個名上去，完全個人化選擇！

自家“津”嘅圖案仲係有凹凸質感的，不是一般的平面貼紙圖案。

女孩子可以揀呢兩款。

呢兩款Hero系列就好受男孩子歡迎。

短身水樽嘅樽咀位是咁的。

硬身的啜咀配吸管設計。

另有高身水樽選擇。

高身水樽的樽口設計是咁的。

要留意，如果希望購買自家“津”，可到此Counter告知店員，並記得先預留兩小時的製作時間。因為店員指，選定水樽款式、樽蓋顏色、圖案及名字後，整個水樽會全部一次過由零開始印製，製作時間約為兩小時。如果大家有興趣印水樽，下次去樂園時建議先去落Order，然後去樂園玩完先返轉頭收貨！