2020-01-22, 週三

【BB生病】照顧患病嬰幼兒基本飲食須知

BB病咗無胃口,又無精神,真係令媽媽擔心呀!雖然好想BB食返多啲嘢,但都要小心準備食物,唔好令BB身體造成負擔。以下就有幾項要點,家長一定要留意。

 【親子交流】患病bb基本飲食須知

選擇容易消化的食物

一般患病,尤其係患上手足口病嘅BB,精神狀態同腸胃消化功能都會受到影響,因此有啲食物會加重BB腸胃負擔,更會令他們難以吸收食物中營養,導致無足夠能力抵抗病毒入侵。

注意水份的補充

當BB病緊,特別是發燒、痾肚、嘔吐等情況時,BB體內水份就會快速流失,家長要定時讓孩子飲多啲水,唔好等到脫水先補充。根據BB年紀,有啲醫生會開啲BB用嘅電解質粉俾家長沖水餵BB,電解質水比較純水更親近人體,令BB可以吸收得更快,亦可以為BB補充體力,但要問清楚醫生先好用啊﹗

患病期間少食多餐

為咗可以令BB維持足夠體力同營養,又唔好令腸胃帶來負擔,建議可以俾BB少食多餐。如果他們有痾嘔的問題,建議先依照醫生指示去服藥處理,等BB情況有所改善後,先再酌量增加BB嘅飲食次數。

香港中毒防控網絡就指,因為幼兒身體對於處理有毒物質能力低,所以呼籲家長,唔好擅自餵藥俾小朋友,即使係少量含有鐵質嘅維他命丸,都有可能令小朋友肝臟受損而致命,發現孩子有咩唔對路,父母最好都係帶他們盡早求醫!

圖片來源:Freepr