2020-12-03, 週四

【媽媽交叉點】讀N班?唔讀N班?

大家都知小編剛剛才做了幾個月媽媽,慢慢開始湊得掂個仔,點知原來幾個月人仔已經好多嘢要等住抉擇,幾個月已經要諗定2歲嘅時候讀唔讀N班,對於我呢啲懶媽媽來說,真係有點難度。如果你哋係我會點揀?

20170613 7048 001

話說小編個B係2017年大B,個仔未出世之前,幾個媽媽Group的媽媽已經開始討論起來,還說有些學校好似救世軍嘅N班要個仔一出世就報,當時我真的有點呆,卻沒有很認真對待這件事。直至近日,媽媽Group又有媽媽提起這事,大家已經好有部署,想好要仔女讀N班之後點升學,但我連自己住個區有咩幼稚園都未知。

其實我之前想都無想過要畀個仔讀N班,因為細妹個仔差唔多大,好似兩個一齊玩一齊成長都已經學到嘢,不過,聽完其他媽媽講讀N班之後好似會易啲升K1,個心又有點動搖。

各位媽媽你哋有冇畀阿仔阿女讀N班?讀咗之後係咪真係醒啲乖啲?讀嘅話要點揀?唔讀嘅話要又點自己教?不妨大家來個互動交流,給小編多一點意見吖!