2021-01-15, 週五

【屎無前例】捐屎流程話你知 一篤屎值$200

琴日自從亞洲首間商業糞便銀行正式在香港招募捐糞者消息一出,大家都為之雀躍,到底呢筆「外快」要點搵呢?我地幫大家做好曬準備。

20170301 6223 A1

第一步,自行審查基本資格:

1.有健康的消化系統

2.介乎18-50歲
3.身體質量指數(BMI)<30
4.過去3個月內沒有服用任何藥物或抗生素

第二步,上網登記

上Asia Microbiota Bank網頁,申請成為捐贈者,(怕麻煩可以直接按我馬上申請!)

第三步:全面問卷/面試

當佢哋接受大家申請,會比一份更全面、更詳情嘅問卷比大家,如果大家連呢份問卷都過關的話!恭起你,佢哋會約你上去面試。

第四步:身體檢查

其實所謂面試除咗見一見你個人之外,更重要嘅係幫你哋做血液、尿液等檢查,畢竟你自己話自己健康啫,都要證實下。

第五步:成功成為捐助者

經過重重難關,呢筆「外快」你已經袋咗一半,不過唔洗咁快開心住,要注意以下幾點。

注意事項:

1.每星期最少捐三次樣本,仲要持續最少三個月

2.提交樣本的地點為中環嘅糞便銀行,而時間只可以係星期一至五9AM-6PM。

3.每提供一個樣本係會有$200蚊。

4.可以一日內提供二次樣本。(即係一日上去痾兩次,而唔係痾一次畀兩舊屎!)

屈指一算,如果大家係腸胃蠕動極度活躍嘅人,一星期5日比到當7次樣本,20日平日計算,我地可以提供到28個樣本,即係已經$5600蚊!咁爽嘅工邊到搵,幾時喺新界開返間?中環已經多有錢人,唔好再益佢哋啦!

20170303 6236 a2