2020-09-18, 週五

【乜鬼東東】小一填詞 問你死未!

功課除左又多又難之外,仲有一種功課係特別麻煩嘅「千奇百趣」類,見到各式各樣奇奇怪怪嘅題目,家長好多時都愛莫能助。雖明白校方可能係單純希望同學接觸多元化事物,將唔同科目所學到嘅野融會貫通,但似乎一眾媽咪就唔係咁歡迎。

 20161130 5349 a1

一位小一生媽咪於Facebook群組「不願小朋友成為功課奴隸」內分享咗一份引起熱烈討論嘅填詞功課,功課所牽涉嘅樂理知識已經唔係每個人都識!例如因為曲目是Eb Major,因此譜中的Eb才是C音(DO),所以唔係樂譜標示錯誤。要求小一生要填詞啱曬音又配合到主題其實都幾有難度,唔難想像到最後都會變成「家課」,即係家長做嘅功課。

不過校方都有提供原曲網絡連結,比小朋友同家長聆聽後再填詞,同時家長仲透露,填完詞之後仲要唱返比校長同老師聽。

 

有媽咪更一語中的指其實呢類功課「鍾意嘅就會做得好開心,唔鍾意嘅就會覺得好麻煩。」

計小編話其實抱住輕鬆學習心態去完成另類功課都唔係一件壞事,總好過無腦式瘋狂抄寫!

圖片截自網絡