2019-09-24, 週二

【厚顏無恥】「碰瓷」大媽半小時呃250蚊

「碰瓷」呢個詞彙係以前用嚟形容古董行業嘅不良手法,佢地會將d易碎瓷器放係客人容易唔覺意碰撞嘅位,借此嚟敲詐一筆!近年「碰瓷」就引申成為另一意思,用嚟形容內地出現一種專登同車輛碰撞以騙取賠償嘅不法之徒。

 20170104 5700 a1

「碰瓷」黨嘅出現,令人心惶惶!有時發生交通意外,大家嘅反應已經唔係第一時間報案,而係擔心自己遇上「碰瓷」黨,盡早離開現場以免被敲詐。因此有好多悲劇就接踵而來,唔少真正嘅事故都因為延誤報案而失救,內地更有一說法「車死還比較好」,因為車死人最少可以不顧而去免被追究甚至敲詐,種種由「碰瓷」引申出嘅不良風氣已經難以令人視而不見。

 20170104 5700 a2

近日內地就有一位大媽因為打麻雀輸錢,於是走出馬路「碰瓷」敲詐!佢光明正大咁行埋去一架慢速行駛嘅私家車前面瞓低,最後司機都頂佢唔順比咗20蚊佢。最過份嘅係你呃完人錢都算,仲要係人地面前跳舞,我哋知你開心啦,過主啦大媽!

 20170104 5700 a3

但估唔到呢位大媽竟然覺得自己好犀利,呃完20蚊就即刻要人幫佢影相好似好威威咁,仲話自己半粒鐘就可以搵250人仔!話口未完佢又行去一架車前面......跳舞。

無錯,佢已經瞓低都費事,反正你都知我係呃架啦,我就係阻住你阻到你畀錢我為止,真係人無恥則無敵,如果小編見到呢d人,真係驚自己控制唔到自己情緒,大巴大巴煎落去個大媽到。

以下影片可能會令人極度憤怒,敬請讀者留意!

圖片擷取自網絡影片

×