2020-12-01, 週二

【麥記口角】青年因一塊薯餅怒罵一家三口

其實有咩事,大家心平氣和解決咗佢未得,何必要動氣呢?近日一條短片「mk仔 尖沙咀 麥記 欺負帶B一家大細」嘅影片於網絡上瘋傳。網絡消息指,呢幾名青年當日朝早係尖沙咀麥當勞用餐,懷疑因為被一名媽媽叫執返跌落地下嘅薯餅而發怒,對住呢一對抱住BB嘅父母大鬧。

20170426 6667 B06 

上傳影片嘅網民就指,自己一開始只聽到其中一名表年大聲向收銀處,影片一開始時,就見3名染髮青年對一對手抱BB嘅父母話:「你叫我搵人執塊薯餅?你有無嘢啊?」又怒稱呢個係職員問題:「我哋係唔係喺度做㗎?」爸爸中途曾向佢哋鄭重表示,要佢哋唔好咁大聲,但佢哋反而因此更嬲,講得更大聲,中間更夾雜大量粗口辱罵,最終令爸爸懷抱中嘅BB受驚大喊。

好多網友都睇唔過眼,表示要「人肉起底」呢幾位青年,亦有網友就指責呢班青年欺善怕惡,得寸進尺蝦人哋一家大細。不過無論件事點都好,都唔洗搞喊人哋BB仔啩!

資料來源:香港討論區、YouTube