之前介紹過屏山天瑞兩個位於天水圍嘅室內兒童遊戲室,而最後一個就係位於天暉路,以「海洋世界」為主題的遊戲室。

天暉路體育館鄰近天恩邨和天富苑,同天瑞體育館相距只是十多分鐘腳程(當然大家也可以乘坐公共交通工具前往),而從天水圍西鐵站乘搭巴士或輕鐵,最快約15分鐘就可到達。

【親子好去處】「海洋世界」天暉路兒童遊戲室

相比起之前介紹同樣位於天水圍的兩個遊戲室,天暉路遊戲室空間大好多,比屏山大足足5倍﹗所以玩樂設施都有更多種類同多元化,絕對令小朋友樂而忘返,50分鐘一節係完全唔夠喉!不過,就係因為呢個遊戲室係全天水圍區最大,所以都有好多小朋友嚟玩,如果要入場,起碼要預早30至45分鐘排隊攞籌,如果唔係40張籌眨下眼就會派晒㗎喇!

【親子好去處】「海洋世界」天暉路兒童遊戲室

就喺呢到排隊喇,條隊多數都會排到入咗防煙門後面㗎!

【親子好去處】「海洋世界」天暉路兒童遊戲室

遊戲室係以「海洋世界」做主題,所以會見到成個場地背景顏色都係藍色,令人感覺好舒服。

【親子好去處】「海洋世界」天暉路兒童遊戲室

【親子好去處】「海洋世界」天暉路兒童遊戲室

遊戲室好大,遊戲設施都好多,小朋友喺呢到點樣跑都得,重有好大空間畀家長一齊陪佢地玩。

想睇清楚有幾大,可以轉吓呢張360全景相片。

天暉路兒童遊戲室 

主題:海洋世界

面積:315平方米,屬全港最大室內兒童遊戲室之一

開放時間:早上8時30分至晚上9時20分(不包括下午1時20分至2時30分),每節時間50分鐘

賣點:

1. 面積偌大,確保小朋友有廣闊空間跑動遊玩

2. 親子互動空間充足,同享親子樂

3. 非常鄰近同區其他兒童遊戲室,小朋友可以玩足全日!

 

會員評分: 0 / 5

不啟用星號不啟用星號不啟用星號不啟用星號不啟用星號不啟用星號
 
×