好人好事︱坐月媽媽無力孭腳傷兒子回家　幸得兩位街坊輪流相助：講十萬句多謝都唔夠

香港仍然有好多好心人！近日，一位坐月港媽分享一件好人好事，稱兒子因意外令腳甲脫落，洗完傷口太痛無力走回家，而自己仍因剛生完BB未能抱着兒子回家。狼狽之際得到兩位同樣到診所洗傷口的街坊伸出援手，背着兒子送他們到家樓下，令港媽大為感動：「我真係講十萬句多謝都唔夠。」

這位港媽在Facebook群組「將軍澳主場」發文指，日前兒子百厭，意外令右腳腳甲脫落需要每日洗傷口，受傷包紮後及出發去診所洗傷口時都可以走路。不過，在洗完傷口時兒子卻痛得大哭，不能自行走路。

媽媽表示，「已經喺診所同阿仔氹咗一大輪…又鼓勵咗佢好耐佢真係一步都行唔到…」，惟自己在兩個星期前生完BB仍有傷口，無法抱起兒子走回家。她遂向診所借輪椅帶兒子搭的士，惟兒子仍不配合。

在無助之際，有兩位熱心街坊向媽媽伸出援手。「兩個uncle話抱佢出去搵的士，uncle好快手就抱起扭計中的仔仔行出診所…點知黑仔到一部的士都冇…」，怎料兩位街坊卻主動送他們回去，「另一個uncle就接力孭住阿仔送到我哋去屋企樓下，都成十幾分鐘路程…」，令媽媽大為感動！

她表示，這兩位街坊明明有傷在身，仍然伸出援手，「多謝你哋無私嘅付出。大家素未謀面，都係一齊去診所洗傷口，大家都有傷在身…但你哋都幫我抱住成25kg嘅仔同孭住佢，我真係講十萬句多謝都唔夠…」、「真心好彩有你哋嘅幫忙！我除了感激之外！還是感激！」

媽媽表示，其中一位街坊稱「我今日幫你，他朝有一日人哋都會幫返我個孫。」，令她感到「香港仲有愛」及「香港是需要團結與互助」。

貼文一出，網民紛紛表示感動，「聽到都好感動！祝兩位叔叔同阿仔早日康復」、「無名英雄，默默做好事。」「好人好事，一生平安！」