【Richell VS淘寶貨】多功能吹氣椅邊款好用？

不過其售價也不算便宜，單是一張小小的吹氣椅就索價二百多元，所以也有很多精打細算的媽媽，選購淘寶貨！

充氣式設計易於收納，方便旅行時使用，也可安全地為嬰兒洗澡。至於吹氣座椅子除作洗澡之用外，也可當作學習坐椅，讓小朋友學坐，適合7個月至2歲使用。其彈性吹氣椅設計猶如小梳化，可安全地固定小朋友位置，不易翻側。

咁究竟日本品牌好，還是淘寶貨好呢？雖然日本Richell吹氣椅都是Made in China，不過人家有日本QC，品質比較有保證。而淘寶貨好處是款式多，價錢平，所以兩者都各有支持者。

買了Richell吹氣椅的媽媽C就表示：「因為阿仔已經唔鍾意平瞓，喜歡用第二個角度睇嘢，而且吹氣梳化可以卸力，又易於收藏。」

而在淘寶買了吹氣椅的媽媽J就稱：「用來練習坐，沖涼又可以用，重點係平。貪得意買嚟玩下。」

也有媽媽表示都想淘返一個畀BB試坐，但就被老公反對用中國製造嘅物品，睇嚟佢老公應該係驚中國製造嘅會爆！(哈哈！明嘅，擔心都好合理！)

咁究竟中國製嘅淘寶吹氣椅會唔會爆呢？Hody Ma訪問咗多位買咗淘寶吹氣椅嘅媽媽，佢地大部分都係買同一款吹氣椅，而佢地揀果款吹氣椅嘅品質似乎都唔錯，大部分人均表示無臭膠味、邊位亦唔會刮肉，售價大約HK$60。8名媽媽入面，其中有2名表示吹氣椅有漏氣情況。

日本品牌Richell雖然在盒上標明Made in China，但有日本QC，品質較有保證。

淘寶勝在選擇多、價錢平，但質素參差，也有機會不小心買到假貨、次貨。

Hody Ma就兩款都讓自己BB試用過，個人認為Richell質感較「實淨」，內置充氣泵的操作亦較順暢，感覺較耐用，但價錢貴。至於平價的淘寶貨，整體品質其實都沒有想像中差，而且其頭枕設計更令人有點驚喜，BB坐上去可以承托頭頸部，缺點則是內置充電泵操作困難，品質參差，有漏氣風險。

講咗一大輪，即係買邊款好？個個BB都唔同架嘛，自己決定啦！