【珍寶豬欄】有你把柄了！爸爸

囝囝坐咗一分鐘都冇，就同爸爸講：好悶呀～我要玩電話呀，好悶呀！

爸爸：我玩緊喎！

囝囝繼續大嗌：好悶呀！我要電話呀！好悶呀！電話呀！好悶呀！

爸爸：等陣啦，我玩完咪俾你玩陣囉！

囝囝伸手搶電話：你頭先話我坐低咗就可以玩㗎～俾我呀！俾我呀！

爸爸：等等呀，部電話我㗎，我玩完咪到你囉！

囝囝：我都要一部呀！

爸爸邊玩電話邊講：咁細個學乜人玩電話呀！玩咁多冇益呀！

囝囝鼓埋泡腮：我話俾媽咪知！你玩電話識女仔！

哎喲，壞壞了！咁細個就識捉人痛腳去達到目的～

爸爸望望囝囝，好唔情願下交岀電話：嗱，一陣㗎咋！唔好亂㩒嘢呀！

囝囝滿意的笑住拎電話：好嘢！

部電話交到囝囝手上幾分鐘，爸爸一直都好緊張咁望住佢玩電話：喂？玩完未呀？俾返我呀？喂？唔好亂㩒呀！玩多陣好俾返我啦！

囝囝：咪嘈啦！我講俾媽咪知你電話入面好多女仔相！仲要唔著衫嘅！

（舉手）我想睇我想睇我想睇！

爸爸望望四周，發現診所内所有人都望住佢，連忙耍手兼擰頭解釋：小朋友亂講嘢咋！唔係咁㗎！唔好聽佢亂講嘢呀！佢成日都係咁亂講嘢，唔好信佢呀！

囝囝企起身，拎住電話離開座位：你部電話收埋好多女仔相，我俾媽咪睇！

「咔嚓！咔嚓！」，囝囝高舉電話：「你睇吓！有女仔相呀！我俾媽咪睇！」

爸爸捉住囝囝：「對唔住呀姑娘！」

喂！ｏ靚仔，你影我相做乜呀？我有著衫㗎喎！我乜都冇做過呀！唔好點錯相好喎！