【Holiday DIY系列】自製果蠅昆蟲誘哺器

本頻道內的各種親子活動、好用產品或是DIY手作仔，保證是親身試過、用過、玩過的，無花無假，全部第一身感受。頭砲就教大家自製果蠅昆蟲誘哺器！

春夏季節正是蚊蟲出沒之時，如果家中有植物，擺放盆栽的地方都會較惹蚊蟲或是果蠅等昆蟲。坊間雖能買到現成的昆蟲誘哺器，不過若可以利用廢物自家製作就更環保慳錢。

 

果蠅、蚊、蠓、飛蛾等大大小小昆蟲，全部黏實晒，真係好激動架！

近日我就網購了一支名為「穩黏」的昆蟲物理誘黏劑，只要將之噴在無用的膠樽或膠片上，在掛在或放在家中植物附近，黏膠的天然香料氣味就會誘哺各種大小昆蟲。

呢支野係網購嘅，外形好似大支裝噴髮膠咁樣，有興趣自己用佢個名上網search下就應該搵到架喇！

台灣製造，唔係大陸製，應該唔會無啦啦爆炸！樽身亦寫明成份、用途及使用方法。

首先要搵一個無用的膠樽，或者膠片都得。然後將黏膠噴上樽面上，留意要用廢紙墊好，因為黏膠好難清洗。

將整個膠樽都均勻噴上黏膠。

然後用繩綁好頂部位置。

再將之掛在窗邊或植物上，我將佢掛喺我棵雞蛋花小樹上面。

時間關係，呢樽係我前一個星期用同一方法製作並掛上的，睇下痴到幾多！

近鏡睇清楚d，幾壯觀！大大小小昆蟲全部痴實晒，因為期間落過雨，意外發現黏膠原來仲防水添，啲昆蟲真係痴得好實下。