【親身試床】廿幾萬張床褥免費畀你試

小編自覺家中的床褥都算舒適，瞓到每朝都唔願起身返工，不過，有時出外旅遊都覺得酒店床褥好多時都特別舒適，HomeSquare於即日起至11月20日邀請你成為星級酒店VVIP，到訪「寢卧光色體驗廊@HomeSquare」，一次過體驗不同來自世界各地酒店床褥的誘人觸感及完美的寢室燈光展示！

現場有近十張世界各地酒店使用的床褥展出，並讓大家試瞓，其中一張價錢嚇死小編的床褥，真的讓人一試難忘！

呢張就係連俄羅斯總統普京都一瞓即Like，嚟自法國國寶級床褥品牌Treca的貴族級床褥─「下一站莫斯科」，注滿了矜貴幼駱駝絨，此稀有及珍貴的駱駝腹部絨毛更被冠上「軟黃金」的美譽！張床褥就真係貴到飛起，要$261,910一張，真係去試下瞓就夠。

同場仲有其他萬幾蚊至幾萬蚊不等的床褥畀大家任試，試完覺得家中的不夠舒適，還可以即場揀返張新床褥，因為除了以上的床褥體驗，HomeSquare 亦夥拍商場場內的床品及燈飾品牌，為大家精選了折扣產品，床褥部份低至4折，而燈飾就低至75折。

另外，於享受舒適床褥質感的同時，大家可同步享受國際影星級的待遇！

活動期間，便可享受由星級酒店專人為你貼心調配的精選甜點及幾款美味特飲，一邊躺在「HS Bed Lounge」的床上陶醉於慵懶隨意的悠閒時光，一邊細味四大星級特調，同時滿足你的「觸覺」及「味覺」，仿如置身家中般悠然自得。

查詢：2634 0666