【去759買好嘢】呢兩間有超多嬰兒用品

經我資料搜查及媽媽報料後，就搵到其中兩間比較多BB嘢買嘅759，所以即刻出發去睇睇係咪真係咁正正子！

九龍灣展貿2/F，電梯一上到去就會見到！

右邊係酒類飲品專區

右邊行入去就見到Kawaiiland專區，全部都係女士最愛嘅化妝護膚用品。

呢間原來係全港最大的759阿信屋，面積約1萬呎，貨品種類超多。除咗零食外，急凍食品、糧油雜貨、住宅用品等，就連酒類、化妝品同埋最重點嘅嬰兒用品專區都有！其實呢間店2014年已經登場，不過無計，九展實在太隔涉，正常無乜特別事真係唔會去！

咁既然一場嚟到，就去睇下係咪真係咁多BB嘢啦！

廿零蚊有一對靚靚公仔襪！

超得意比卡超背包，正價$240。

韓國製環保玉米幼兒餐盤，公價$30.8

就係呢款喇！韓國製BB紗巾，一包10條，公價$59

 日本製嬰兒餐具套裝，正價$132

韓國製嬰兒長袖連身衣，正價$138

韓國製BB口腔清潔凝膠，正價$26

韓國進口奶樽奶咀。

日本進口BB日常用品。

MEGA BLOKS積木車仔，公價$119

大量童裝

嬰幼兒玩具

 全部都係玩具

繼續都係好多玩具

多款鬆弛熊筆記簿，公價$10

鬆弛熊擦膠，公價$5

呢個得意！嬰兒奶咀式探熱溫度計，正價$42！不過唔知準唔準。

現場所見，嬰兒用品由奶樽、奶嘴、嬰兒餐具、日常用品、護理用品及嬰兒小玩具都有。仲有日韓入口嘅嬰幼兒衣物，相比其他分店嘅BB貨品真係多好多！

小型家電專區

睇完BB嘢完仲可以行埋其他區，包括小型家電、寵物專區同埋超大嘅急凍食品區！

土瓜灣農圃道759

另一家位於土瓜灣農圃道759又係好多嬰幼兒用品賣！

最勁係就連小童日本浴衣都有得賣，仲有大量玩具。浴衣$159。撞啱有6折、7折優惠時買就最抵！

呢度都有韓國紗巾

嬰兒地墊16件裝，正價$206好抵！

大量玩具

睇完晒以上介紹之後，可能你會覺得：「係幾多嘢買，但都唔係好抵之嘛！」咁你就錯喇！因為上面講果個價係未折架，平時759咪會做特價嘅，好似而家就做緊正價6折、公價及超抵價貨品7折，計返係咪好抵呢！