【媽咪你點揀】最討厭家務係邊樣

 媽咪要做嘅家務實在太多，我地總結咗幾個主流家務，你又討唔討厭做呢d家務呢？

1.換床單被袋

辛苦：對手無搏雞之力嘅媽媽嚟講簡直就係一件災難，冬天d被又重又厚，換一次就好似去完健身室做負重運動咁！

唔辛苦：一句唔夠力等老公返嚟搞掂。

2.洗碗

辛苦：屋企三餐都要洗，仲未計洗大型廚具，冬天d水又凍，唔戴手套真係會死人，雖然戴咗都唔想洗。

唔辛苦：叫老公洗幾日。

3.拖地

辛苦：要準備一大桶水，濕咗水嘅地拖又重，拖一陣又要去扭水濕過再嚟！

唔辛苦：香港人屋企好細，唔驚。

4.執房

辛苦：唔知點舛每隔一陣，屋企人d房就變曬樣，周圍都擺住d無謂野！我見到就唔舒服，有時執完仲要比人埋怨整唔見佢地d野。

唔辛苦：屋企人好企理。

5.燙衫

辛苦：仔女校服又要燙，老公西裝又要燙，要燙整齊一件都要差唔多十分鐘，如果唔求其的話。

唔辛苦：偶爾先燙。

6.洗衫、摺衫

辛苦：屋企人差唔多2日就一套，仲未計每日換嘅底衫褲同手洗衣物！成座山咁高嘅衫摺完仲要分返係邊個打邊個嘅，真係得媽咪先記到！

唔辛苦：係咪都扔曬落洗衣機，摺衫都係唱住歌慢慢摺。

不過相信大部人同小編一樣係揀唔落手，因為我地係討厭做全部家務！