【放電系列】好玩森林遊戲室

今次揀咗個大啲嘅兒童遊戲室玩！足足玩咗3轉都唔厭，以每節45分鐘黎計，即係玩咗135分鐘咁耐！好就好在，呢個地方唔太危險，又唔洗下下追住玩咁攰！

呢個森林系列遊戲室位於大角咀體育館內，個場算大，成個室內公園一樣。呀女一見到開心到即刻衝入去跑一圈。

雖然個場大，但安全起見，都會有限人數。

想知點樣去大角咀體育館?  CLICK 入啲度GOOGLE地圖啦!

有小朋友好LIKE嘅滑梯，入面仲可以爬高爬低，好好玩咁。

嗱嗱嗱！呢個窿家長係入唔到去架，只可以外邊睇住，不過呀女特別鍾意玩，可能特別鍾意冒險，哈哈！

我就喺外睇住，你就慢慢玩啦，自己一個入去玩，去摸索一下周圍都係一件好事。不過太細個嘅BB就唔建議瓹入去玩啦。

細啲嘅BB可以玩呢個樹窿同隔離個山隆，都一樣咁好玩。

樹窿前面係一間屋，就算上上落落家長都可以睇住同幫手。

睇黎呢隻大笨象好受小朋友歡迎先變成咁。

玩玩下又想去洗手間都唔怕，因為入有一個兒童洗手間，o岩晒學緊自己去廁所嘅小朋友，而且唔係間間有，幾好。

其實呢個公園喺樓下，臨走時見到又去玩一玩先。眼見圖嘅右手邊位置應該係壞而封咗，但都好夠玩。

想知點樣去大角咀體育館?  CLICK 入啲度GOOGLE地圖啦!

人仔細細就係膽夠大，鍾意挑戰自我，同佢媽媽一樣！(係，佢呀媽就係我)

BB:「媽媽，排排坐，坐……」

咦！有發現！隔離有個停車場喎，全部泊嘅係兒童單車。

中間見到鎖咗呢兩部，又幾得意！

咁玩法，一日嘅電量已經用完，一上BB車坐低就瞓著叉電。終於識攰，今次放電好成功。