【仲有10日】直擊UNIQLO 2017感謝節

由即日起至25日，全線店舖均進行2017感謝節購物優惠，多款春夏服飾都有減價。一齊直撃下現場情況！

日前途經觀塘apm的UNIQLO，巧遇此店正進行2017感謝節購物優惠。

眼見現場人山人海好像「有金執」咁，都即時忍唔住走入去睇下有咩好嘢！

當眼處擺放指定男女裝印花T恤包括Line Friends、Lego，都以限定價$79一件及$129兩件發售。啱款的話確實抵買！

另即日起至25日每店的首100名單次消費購物滿$500的顧客，可獲贈限定版斜孭手挽兩用袋乙個。銅鑼灣利舞臺旗艦店、尖沙咀海港城店及沙田新城市廣場店每天加推至200個名額。要留意，顏色不設挑選，送完即止。

除了T恤外，呢款迪士起居拖鞋都超抵，原價$79，特價$49！仲有多色選擇添！

童裝衫仔係家長們主攻項目，現場不少媽媽在選購迪士尼系列衫仔。

多款Barbie、LEGO、Marvel等童裝T恤均以限定價$59出售。

至於今日及明日(5/15、5/16)兩天，將有以下限定減價單品，抵買架！