【3歲識畫咩？】幼兒學畫畫的3個階段

近日有網民上傳一幅幼兒填色比賽嘅得獎作品，由於作品顏色填得太靚太細緻，一睇就知唔係3歲小朋友嘅作品，因此引來網民熱烈討論，指呢個比賽唔應該叫幼兒組，係應該叫家長組先啱！網民紛紛表態，指家長干涉令比賽已經失去原有嘅意義；亦有好多網民話，呢份作品好多大人都未必畫得到，而3歲小朋友，可以填色唔出界已經好叻。更有人分享自己3歲仔仔嘅填色作品，話要對比下有幾大差別添！

有人可能會話：「咁可能小朋友有繪畫，又自幼習畫呢！」我地就參考咗網上部份比較出色嘅兒童畫作，好似呢幅就係幼種園中班作品：

而一般坊間興趣班嘅幼兒畫班貼堂作品，較靚嘅作品就係咁：

屋企個小朋友隨便油顏色可能就係咁：

唔好淨係比較香港兒童嘅畫作啦﹗睇下外國嘅小朋友又點，呢幅係巴西五歲男童的作品：

其實小朋友學畫畫係有佢嘅規律，由18個月開始，至到9歲嘅小朋友對於畫畫係有3個學習階段嘅：

塗鴉期

18個月至3歲嘅小朋友，筆下嘅畫以線為主，一般無具體形象。但其實呢個係小朋友繪畫嘅真實體現。

象徵期

3至5歲嘅小朋友開始可以創作自己嘅圖形符號，並開始命名。由於呢個時候嘅小朋友，只會關注到事物特點，作品偏向直覺象徵化，佢哋嘅畫會同實際事物有差異。

主觀情感表達期

5至9歲呢個時期，係小朋友學習兒童畫嘅黃金時期，係佢地兒童思維最活躍時期，佢哋係呢個年紀開始可以表達到自己想法，觀察力變強令佢哋開始更著重於細節嘅刻畫，並有明顯寫實傾向，6歲後嘅小朋友將可以憑記憶，將所見所聞加以概括並重組表現。

雖然有部份天才兒童對顏色及圖象觸感特別敏銳，被人稱為天才畫家，但呢啲只係非常少數。而且目前年紀最細嘅天才職業畫家，年紀都有5歲，而且畫亦唔係走寫實風格。不過事實係點就留畀大家自己去判斷，只不過無論點都好，比賽呢啲嘢，都係公平競爭好，否則對其他認真製作嘅小朋友就太唔公平啦！

圖片及資料來源：《Wawawa Wai》Facebook Page、網絡