【假日鬆一鬆】去上白泥玩競技遊戲

激箭(Archery Tag Battle)

作為主打競技遊戲之一嘅激箭，玩法結合War Game和閃避球元素夠晒緊張刺激！

Archery Tag箭尖加上專利泡沫塑料，不具傷害力之餘，身邊仲會有專業教練進行指導，咁就唔使怕小朋友會整親啦！

泡泡足球(Bubble Soccer)

泡泡足球作為另一個主打競技遊戲，應該好多人都聽過佢大名！

上場時全身幾乎三分之二都被泡泡氣囊所包住，點踢點跌都無問題！

另外仲有俄羅斯軍事武術，除咗可以強化身體，更可以加強情緒控制管理及增強自信，當中好多群體遊戲仲可以俾小朋友學習團隊精神。

白泥生態保育農莊仲有好多配套設施，其中最特別係有班羊咩咩，鍾意小動物嘅小朋友可以摸下羊仔，過下癮。

上白泥風景咁靚，如果一家人時間充足，可以考慮露營一晚，更有「夾手夾腳煮隻雞」，等小朋友可以同家長一齊醃製燒雞，體驗唔同嘅風味！唔啱玩嘅，仲可以選擇食村民自養的食材所煮成的農耕菜，保證小朋友同家長可以度過特別又有趣嘅一日！

白泥生態保育農莊露營設備亦非常齊全！

遊戲套餐基本收費

*所有基本套餐均設有最低消費$4,800

地址：元朗流浮山上白泥村154號

詳請可以白泥生態保育農莊官網（按此）、以及香港競技場官網（按此）為準。