【「惡玩」派對】迪士尼朋友陪一家大細玩轉萬聖節

迪士尼樂園渡假區由9月14日起至10月31日，一連48日將會連場日夜舉辦派對，推出一系列惡玩活動，除咗提供過百款迪士尼主題服飾、臉部彩繪等等，俾小朋友可以全情投入派對之外，餐廳更準備咗一系列嘅特色主題美食，大家可以一飽口福！

多款迪士尼服飾任你揀，大人同小朋友都有適合碼數租用！

 「Halloween詭趣花園」活動多籮籮

活動期間，小朋友只要去到「Halloween詭趣花園」，就可以參與多項萬聖節活動，包括臉部彩繪、Trick-or-treat米奇南瓜造型袋仔手作坊、再挑戰「迪士尼Trick-or-Treat趣玩站」，一齊收集糖果、影靚相！

（兒童臉部彩繪分別設於迪士尼美國小鎮大街及「Halloween詭趣花園」，收費為$60至$120不等，開設日期及時間以官方網站為準。 

(去「迪士尼Trick-or-Treat趣玩站」收集糖果前，可以先到Trick-or-treat袋子手作坊，製作t米奇南瓜造型紙袋仔去裝糖果先！)

（萬聖節期間去到迪士尼，行過見到迪士尼人物，記得同佢哋講聲「Trick or treat？」，可能會得到意想不到嘅禮物㗎！）

入住酒店齊「獵糖」

萬聖節活動期間，三間酒店都有好多主題活動，除了好多小手工活動之外，香港迪士尼樂園酒店下午5點更會舉行「獵糖奇兵」，俾小朋友「獵盡萬聖節糖果」呀！

（小朋友限時喺一個空間內鬥塞糖果入袋仔，睇吓邊個拎得最多。）

（房內其他遊戲設施，同樣亦可令小朋友流連忘返！）

「米奇廚師萬聖節家庭樂」自助晚餐連親子曲奇DIY

除咗玩之外，在食方面，小朋友都可以自己親手製作曲奇。活動期間逢指定日子，享用「米奇廚師萬聖節家庭樂」自助晚餐嘅小朋友，可以同父母一齊免費製作特色曲奇。

 (現場會專人指導，教大家製作有迪士尼特色嘅萬聖節曲奇餅。)

萬聖節主題美食

除此之外，迪士尼內嘅餐廳，亦有多款萬聖節特色美食，樣樣都咁得意！

(主題酒店亦將設有不同餐飲體驗。)

*所有優惠及詳情細則，請以迪士尼官方網站為準