【創意無限】「好」有趣DIY燈籠大集合

因為都唔想自己小朋友個燈籠同同學仔一模一樣，有時諗做咩燈籠都頭痛，但特別啲係咪又會開心啲架呢? 我哋一齊睇下，以下呢一系列「好」有趣 DIY 燈籠究竟幾特別！

大家都知，碌柚燈籠係節日嘅傳統，而且仲可以容易變化成唔同嘅動物。

屋企唔食碌柚？咁用橙！橙太細唔夠手巧？唯有切開一半做蠋台，仲有陣陣橙皮香，至於點拎返學校，真係要諗諗佢。哈哈…

想健康啲? 紅蘿蔔都可以，小朋友對多啲，可能會愛上左食呢！呀！但點做好呢.....

下? 環保啲？呢個都可以，奶粉罐屋企大把，夠晒環保！呢種燈籠其實好唯美架……本身。但原來好考功夫喎。

唔想用食物，因為怕變壞又唔方便帶？但又想小朋友like? 咁可以用呀仔/女個玩具實得啦！女仔就可以用掛隻毛公仔，男仔可以掛車仔，每日轉一次就得啦，充滿新鮮感，呢個創意同觀感度簡直滿分！

(圖片來源: Queenie Chan)

最後不得不提呢個終極創意又環保嘅燈籠！OMG，笑死！睇落好似出自爸爸手的作品……喂喂，咁樣拎返學校會唔會唔係咁好架…..

其實...

(以上圖片來源網路)