【有家歸不得】一份搵唔到出口嘅迷宮功課？

近日台灣網民於社交網站上傳一張幼兒工作紙，指呢份係自己小朋友學校嘅功課。

功課好簡單，只係一個迷宮，迷宮入口有隻豬仔，迷宮內有間屋仔，老師要求小朋友幫想返屋企嘅豬仔歸家。睇落好易姐，個迷宮睇落又唔複雜，但當大家帶住豬仔行呀行，呢個時刻，問題嚟啦…條條路都係死路嚟嘅！？

豬仔返唔到屋企，姐係小朋友交唔到功課，一個無家可歸，一個返學面臨欠交，同是天涯淪落人呀！小朋友嘅爸爸見到份功課，覺得搞笑嘅同時，亦感概設計份功課嘅老師好有「深度」，忍唔住放上網同網民分享。網民都覺得好搞笑，紛紛留言笑指呢條題可以令小朋友安靜好耐，亦有網民搞笑話老師就係唔想豬仔返屋企。

不過唔緊要啦，相信呢位小朋友全班同學，都幫唔到豬仔返屋企㗎啦，呢個問題就等返學時交返畀專業嘅老師去解決啦！

圖片及資料來源：Facebook Page「爆料公社」