【玩勻免費遊戲室】「平凡簡樸」蒲崗村道體育館

遊戲室設於蒲崗村道體育館內，該體育館位於黃大仙慈雲山，毗鄰聖文德天主教小學，距離最近的港鐵站(鑽石山)起碼有15分鐘的腳程，建議大家乘搭巴士或小巴前往。

蒲崗村道體育館於1996年7月啟用，設有不同活動區好似藍球／羽毛球場、健身室、乒乓球室、壁球室等等，也提供面積130平方米的兒童遊戲室。

可能是屬於早期的兒童遊戲設施，遊戲室未有用上主題佈置，睇落環境平平無奇，但勝在夠簡單，內有許多屋仔、滑梯等，讓小朋友可以左穿右插。

設有不同的屋仔，小朋友可以大玩煮飯仔或者「家庭」遊戲。

小型滑梯設施，小朋友可以爬上爬落，好玩又安全。

想睇清楚遊戲室環境，可以睇360全景相片。

蒲崗村道兒童遊戲室

主題：-

面積：130平方米

開放時間：早上9時至晚上8時45分（不包括下午12時45分至2時及下午5時45分至7時），每節時間45分鐘

賣點：

1. 設有大量屋仔，小朋友可以玩煮飯仔或扮屋企遊戲。

2. 室內佈置簡單但夠開揚，家長可以放心在旁坐低睇小朋友玩。
3. 鄰近蒲崗村道公園，裡面既有兒童樂園，又有全港首條環迴高架單車徑同單車園地，小朋友可以盡情放電！