【玩勻免費遊戲室】「動物農場」聯和墟體育館

聯和墟體育館離粉嶺港鐵站有一段距離，大人行都要至少15至20分鐘，帶住小朋友的話，可以在粉嶺站搭小巴前往，咁就舒服得多。

兒童遊戲室主題係「農場」，面積有130平方米，比保榮路體育館細足足一半有多。如現場所見，呢度非常適合幼兒來訪，年紀稍大的小朋友則可能會覺得悶。遊戲室有多個動物軟枕，小朋友可從中認識到不同農場的動物，寓學習於娛樂，極富意義。

現場有多個動物軟枕，孩子可從中學習不同動物種類。

小朋友將動物軟枕排列好影靚相。

遊戲室壁畫設計都富心思。

想睇清楚遊戲室環境，可以睇360全景相片。

聯和墟體育館兒童遊戲室

主題：農場

面積：130平方米

開放時間：早上8時至晚上9時50分（不包括下午12時至1時）

賣點：

1. 場地非常適合幼兒來訪，不建議年紀稍為大一點的小孩遊玩
2. 遊戲室壁畫設計富心思
3. 鄰近具歷史價值嘅聯和市場，雖然已關閉，但小朋友可經過了解香港歷史