【玩勻免費遊戲室】「恐龍樂園」士美非路體育館

士美非路體育館鄰近堅尼地城港鐵站，同A出口只係一條馬路之隔，前往十分方便。

呢度面積有114平方米，主題係「恐龍樂園」，背景嘅恐龍圖案非常得意，小朋友見到一定好喜歡！現場仲有一個對家長都幾窩心嘅設計，就係可以將背囊掛晒喺個架上，咁就唔怕D櫈畀袋霸住晒，家長冇位坐啦！

一個窩心嘅小小設計畀家長掛晒背囊喺到。

恐龍背景圖案好得意呀！

呢條係鯊魚，定恐龍？

好多動物攬枕，小朋友可以攬住騎住周圍去！

士美非路體育館兒童遊戲室

主題：恐龍樂園

面積：114平方米

開放時間：早上7時50分至晚上9時40分（不包括上午11時40分至下午12時50分）

賣點：

1. 位於港鐵站與海旁之間，交通方便，玩完重可以同小朋友行吓海邊，過返個寫意週末！

2. 場內有個專門用嚟掛背囊嘅架，唔怕D櫈畀袋霸住晒！

3. 與同區其他體育館都係一站之距，唔嫌攰行都行到去，可以嚟個一天遊戲室之旅！