【玩勻免費遊戲室】「快樂馬戲班」中山紀念公園體育館

要前往中山紀念公園體育館，可以乘搭港鐵往西營盤站，由A2出口行大約5分鐘，經過一條好長的行人天橋後，就會看到目的地。

遊戲室面積有130平方米，主題係「快樂馬戲班」，場地設計及顏色同馬戲團好襯，而且遊戲配件又可以畀小朋友學下英文，簡直寓學習於娛樂呀！另外，體育館外有個中山紀念公園，有草地有海濱長廊，亦都有個孫中山銅像及解說牌，悠閒得嚟又可以學吓嘢，一舉數得！

呢3粒骰可以畀小朋友學吓英文㗎！

馬戲團都有2個池？

背景好有馬戲團特色

戶外遊樂場好似好玩過體育館室內嗰個好多喎！

孫中山銅像喺塊大草地之中

海濱長廊可以看吓海

中山紀念公園體育館兒童遊戲室

主題：快樂馬戲班

面積：130平方米

開放時間：早上8時至晚上9時50分（不包括下午1時至下午2時）

賣點：

1. 遊戲室內的配件可以畀小朋友學英文，寓學習於娛樂；
2. 體育館外嘅中山紀念公園有個戶外兒童遊樂場，有塊大草地，亦有海濱長廊，可以看看海，野吓餐，嘻嘻哈哈，悠悠閒閒又過一日；
3. 與同區其他體育館都係一站之距，唔嫌攰行都行到去，可以嚟個一天遊戲室之旅！