【玩勻免費遊戲室】「迷失森林」港島東體育館

鄰近香港電影資料館的港島東體育館，由港鐵西灣河站出發，需要行大約6至10分鐘，但沿途沒有太多「瓦遮頭」，在夏天或下雨時，記得帶備雨傘呢﹗

呢度面積有102平方米，主題係「迷失森林」，以零碎嘅遊戲配件為主，適合年紀較細嘅小朋友；稍為大少少嘅去到可能會覺得較悶喇﹗反而體育館外仲多姿多彩，行5分鐘就分別去到西灣河遊樂場同埋愛秩序灣海濱花園，前者裡面有個多嘢玩少少，又有少少挑戰性嘅兒童遊樂場，大少少嘅小朋友去玩都冇問題；後者就簡簡單單吹吓海風，睇吓海景，仲可以行埋過去筲箕灣避風塘添。另外，體育館外行10分鐘左右就可以去到好大嘅愛秩序灣公園，裡面嘅兒童遊樂場比西灣河遊樂場嗰個仲大，咁就唔怕小朋友悶，真係玩完一個到另一個呀！

現場以呢類遊戲配件為主，適合比較細個嘅小朋友。

呢到就係西灣河遊樂場，睇個樣都好似好玩好多咁噃。

愛秩序灣海濱花園，可以同小朋友一齊望下船。

愛秩序灣公園入面嘅兒童遊樂場好大，並分成不同區域，適合不同年紀嘅小朋友玩。

公園入面好出名嘅一隻船。

港島東體育館兒童遊戲室

主題：迷失森林
面積：102平方米
開放時間：早上8時至晚上9時50分（不包括下午1時25分至2時25分）
賣點：
1. 適合年紀比較細嘅小朋友；
2. 附近有西灣河遊樂場同埋愛秩序灣公園，兩個地方都有又大又好玩嘅兒童遊樂場，小朋友可以喺呢兩到進一步放電；
3. 除咗遊樂場同公園之外，體育館外行一陣就到愛秩序灣海濱花園，沿著行就係好出名嘅筲箕灣避風塘。