2019-10-16, 週三

【試吸塵機】兩款最新吸塵機試用報告

文章索引

有小朋友的屋企需要時刻保持清潔,而一部好的吸塵機就最適合多塵的香港,Panasonic及Bosch兩個品牌分別推出全新吸塵機,小編幫大家試晒兩款,各有所長,想知用後報告就繼續睇落去啦!

【產品推介】兩款最新吸塵機試用報告

Panasonic(左)及Bosch(右)兩部新吸塵機。

Panasonic MC-BJ870

【產品推介】兩款最新吸塵機試用報告

MC-BJ870吸塵機纖巧又夠配件,無得輸呀!

呢部吸塵機真心適合香港的蝸居,因為其體形夠細,而且外形亦夠晒Cool,加上有小朋友嘅家庭雜物一定特別多,所以這部配備全新〝IT〞扭擰吸嘴設計的吸塵機就最啱。其獨特的吸嘴,可以按用家需要,隨意扭動方向,“T’’型吸嘴方便清除大面積塵垢,而只需輕輕轉動把手就能使吸嘴變成“I’’字形態,寬度僅有5cm,可輕易深入狹縫清潔。

【產品推介】兩款最新吸塵機試用報告

【產品推介】兩款最新吸塵機試用報告

小編覺得另一有用功能係微塵感應功能,其特有微塵感應器,能偵測微細至20微米 (µm) 的塵粒,配合自動吸力調控,即使連肉眼看不到的微塵埃也無所遁形,屋企能做到一塵不染,小編試過真係唔覺有塵嘅地方佢都Feel 到架!

【產品推介】兩款最新吸塵機試用報告

佢會自動感應塵埃所在,自動調節吸力。

另外,仲有一個正嘅地方係獨特全速清潔吸嘴設計,吸嘴前端活門會在緊貼牆邊時打開,將吸頭緊貼牆邊,可有效吸除積累在牆邊死角的塵垢,而吸嘴上的橫向滑輪亦可方便機身在牆邊左右滑動,使吸塵靈活方便。

【產品推介】兩款最新吸塵機試用報告

【產品推介】兩款最新吸塵機試用報告

唯一小編覺得有欠方便的是放置上,使用掛牆會比較方便,但對於好似小編咁租屋的用家來說則較困難,因為租人地方不能隨便鑽牆嘛!

總括來說,這部吸塵機能夠清潔細小狹縫,已經夠晒勁,加上其時尚感爆燈,顏色設銀色及玫瑰金兩種,小編個人喜好玫瑰金,型到震。不過價錢就真係有點兒偏貴,建議零售價賣$5,980,要儲吓錢先買得。

查詢:2833 0955

若嫌Panasonic MC-BJ870太貴,下一頁有另一部中價吸塵機試用報告。