2019-12-13, 週五

【生咗啦!】小編:「聯針果陣恰著咗…」

話說我哋《親子頭條》嘅Summer小編自農曆新年起已經開始放產假,編輯部正因為人手緊張而令大家都忙得不可開交之際…

【親子交流】小編:「聯針果陣恰著咗…」

我哋最期待嘅畫面出現咗喇!昨日中午Summer小編傳來一張初生bb相,同時表示母子平安!Yeah!

雖然知道剛開刀生產嘅Summer需要多休息,不過馬穎都忍唔住問咗兩句,希望可以同各位關心Summer嘅讀者報告一下佢最新情況。

Summer傳來第一句話係:「(手術)晏咗開始,(生產後)而家開始Feel到啲啲痛。」馬穎立刻叫Summer:「休息下先!」

誰不知Summer就話:「頭先聯針果陣恰咗陣,家下又未瞓得著...當時聽到部唔知乜機的搭的搭咁,催眠呀!」喂呀!聯針時瞓得著好讚呀!因為馬穎一年前都係開刀生bb、聯針時係作嘔同埋感覺肚位被大力拉拉扯扯咁,好唔舒服架!

不過,雖然Summer連聯針時都瞓得著好似好爽咁,但其實都有捱過痛架。點解?因為麻醉醫生幫佢「種豆」吊鹽水落藥時,拮咗兩針手側都唔成功,第3針試拮手背先成功,Summer表示:「痛到痴肺!」

【親子交流】小編:「聯針果陣恰著咗…」

點都好喇!生產過程總算無驚無險、順順利利!而家大小平安,我哋都祝佢哋身體健康!仲有即將開始嘅人奶路都順利進行啦!

【親子交流】小編:「聯針果陣恰著咗…」

想睇返Summer小編嘅懷孕期的點滴,可按以下連結查看:

【產前病房百態】未入過都唔知咁驚

【讓座文化】阿婆鬧後生女唔讓座

【慳得就慳】初生BB大得快最好執二手衫

【就嚟生啦】清胎毒食乜好?

【母乳餵哺】參加工作坊有助知得更多