而家社會步伐越來越急促忙碌，有見及此，以色列就有個學生設計咗一個洗衣機煮食袋，等你洗衫時，利用埋洗衣機入面嘅熱水順便煮埋飯。

其實原理好簡單，只係將個袋製作成高度防水、真空同密實，令個袋可以將裡面嘅食物同外面既水份完全分隔，只用熱水嘅熱力，去將食物焗熟。

唔同嘅食物，都要對應唔同嘅清洗模式，例如洗合成衣模式就用嚟煮肉類，棉質衣模式就用嚟煮蔬菜類食物，而袋上更有建議的水洗溫度，教你如何「煮食」。

設計者Gazit表示，佢希望呢個設計亦可以為外國露宿者提供多一個選擇。