【親子熱話】開學日Zoom大擠塞　家長學生倒瀉籮蟹!

疫情影響下，不少雙職家長需要在家工作，同時處理仔女的網上學習問題，然而過去數月政府及學校對家長的支援不足，不少家長求救無門。

有家長在面書群組「不願小朋友成為功課奴隸」發帖討論教育局的開學安排，其中有家長表示教育局宣布照常開學，卻暫停面授課程，又欠缺支援，令學童在家網上學習面對連串困難。

「一人一電腦……二人二電腦……」

「要特登請一日假留喺屋企睇住阿仔online開學！」

「如果到時候上唔到網，應該點算？」

大部份學校於今日(9月1日)舉行「網上開學禮」，較早前有學校向家長發出通告，表示學生在家進行網上授課時需要穿著校服，引起家長極大迴響。然而，今早似乎出現網絡大擠塞，導致很多學生無法進入網上課堂；也有家長及學生抱怨，網上課堂期間的網絡不穩，聽不清楚課堂內容。

「Zoom緊期間又會突然跳出，老師畫面又睇唔清楚。」

「成朝畫面都係黑色，不停舉手問點解冇畫面、冇聲，老師都睇唔到。」

「交完學費又要買電腦、買平板……」

「咁樣仲叫唔叫返學？」

「成個客廳比曬對仔女，完全唔可行。」

「Zoom + WFH, 屋企變網吧。」

「好無助……」