【抗疫家庭】女承父業入Dirty Team 抗沙士gear做平安符

 

本港「疫」戰有賴醫護人員無私付出,中文大學實習醫生江嘉愉的爸爸在2003年加入Dirty Team(前線抗疫團隊)照顧沙士病人,女兒在17年後同樣走入Dirty Team,醫生爸爸把當年抗沙士打仗時用的護目鏡送給女兒,當作平安符,祝福她「完好無缺咁出返黎」。

 20200416 11406 k01

中大醫學院在Facebook上載一名實習醫生故事,主角江嘉愉(Alcina)透露,爸爸是兒科醫生,2003年請纓加入Dirty Team照顧沙士病人。當年她只有7歲,覺得不用上學而感到「好爽」,加上爸爸不在家數月,家中沒有嚴父看管就「更爽」。但日子久了,開始感到有異,詢問家人爸爸的行蹤。「後來我先知道因為有沙士,所以爸爸唔可以返嚟睇我哋。」

 

Alcina的爸爸當年更曾經交代身後事,因他曾為一名後來確診沙士的病人插喉,需要隔離14日。「喺其他日子,爸爸只會託媽媽或嫲嫲問我地有無乖、有無做功課。有一日爸爸特登打返黎,語重深長咁同我講,大個咗要點點點呀咁。」

 

17年後,Alcina成為實習醫生,爸爸曾力勸女兒再三考慮加入Dirty Team的決定,甚至每日都會找一個原因嘗試說服她,例如表示「我都明,但你始終係我個女,邊有呀爸想自己個女行到最前架啫」、「自己諗返轉頭,都係一腔熱血,但其實當時已經有小朋友,如果依家再決定,當年嘅選擇可能未必會一樣。」

 

不過,爸爸明白女兒的決心不易動搖,就在Alcina搬到宿舍前,爸爸將他自己當年在Dirty Team打仗時用的護目鏡送給女兒,說:「我都知你哋有gear,但呢個sort of一個叫做平安符,畀你完好無缺咁出返黎」,那刻Alcina感動到想哭。Alcina笑言,「我同爸爸性格其實幾似,一旦決定左做一樣野,其實都無咩人可以動搖得到。同埋我地個樣都似。」

 20200416 11406 k02

她又憶述自加入Dirty Team兩星期以來唯一一次與爸爸見面的情況。當日Alcina完成清潔後,走到宿舍樓下見爸爸。相隔兩隻手臂的距離,爸爸為她遞上一袋橙,叮囑她緊記要吃水果,然後就離開。Alcina說:「當刻望住佢嘅背影,我明白當年佢要離開屋企人係好艱難嘅決定,尤其係我未結婚生仔,我離開我屋企人已經咁大感觸,我好難想像當年屋企有我、我呀哥同埋細佬,細佬只係兩歲,又有我呀嫲,上有高堂,下有細路,佢都依然覺得係值得。」

20200416 11406 k03 

來源:Facebook @ CUHK Medicine

田叔叔英語閱讀計劃2023-24
田叔叔英語閱讀計劃2023-24
 親子最關注
香港優質教育機構巡禮 2024