【24小時照顧】兩女黐媽媽惹老公投訴 張嘉兒：我不知幾enjoy

小朋友成長永遠是父母最珍貴的記憶，但子女太黐身，爸媽覺得sweet定煩惱？育有兩名女兒的前港姐張嘉兒就被老公「投訴」她搞到兩個女好黐身，張嘉兒就指因為呢個係「用時間、心機同埋愛去建立嘅關係」。

張嘉兒經常在社交網分享育兒心得，最近她就表示「我老公成日話我搞到兩個女好黐身，“Too attached to the mom”，好似係一件壞事咁。」

「冇人可以取代！」

兩個女兒尚幼，大女Leora接近6歲，細女Hannah 3歲，所以指定要阿媽接返學、接放學、沖涼、刷牙、陪瞓覺、陪玩陪、讀書，基本上24小時全天候服務。不過張嘉兒就話：「我不知幾enjoy，我覺得呢個係用時間心機同埋愛去建立嘅關係，冇人可以取代。」

她又明白老公背後意思：「當然我知道我老公係想佢哋冇咁倚賴我，等我可以多啲me time，或者其他人可以幫到我手照顧佢哋，不過我覺得做多幾年，佢哋就一定冇咁黐住父母㗎啦，所以我好珍惜而家嘅時間，好好相處，製造好多好多嘅回憶。」

身為正面管教工作坊認證講師的張嘉兒提醒媽媽網友要在Me time和Mom time取得平衡。有網民表示認同，「小朋友最幸福係每日24小時都可以有Mami陪伴」、「得益係你先感受到」、「呢段時間係最珍貴的，過咗就冇囉，珍惜同享受吧。」

唔知張嘉兒的心聲同大家相似嗎？

《親子頭條》多元化介面方便家長接收最新育兒資訊
 讚好《親子頭條》Facebook 專頁
 追蹤《親子頭條》Instagram
 登記成為《親子頭條》會員