【甘寧老師】不要因自卑而盲目羨慕

一切要從「優生學」呢個概念講起，係動物界，為左獲得交配權，雄性之間會進行劇烈競爭，因此，最強大的雄性往往能獲得繁衍後代的機會。當然人類係文明社會，要兩個大男人肉體上「隻抽」當然係不合情理，因而現代男人之間嘅「隻抽」變成鬥社經地位、知識水平，

優生學理論早在十九世紀時已經有人提出，最主要是希望透過繁衍後代，淘汰劣等基因。撇除道德觀念，單從生物學角度來看絕對是一件好事，但其實諗深一層，優生學都可以算係另類種族主義，將人類分成「優等」同「劣等」兩大陣容。

而優生學嘅最大盲點，就係呢個理論大膽咁假設左上流社會人員同知識分子嘅基因優於大眾！雖然我認為基因的確有優劣之分，但有好多好基因，因為得不到好環境發展，而變成世人眼中嘅「劣等」基因嘅事情比比皆是。

所以我好憎d人講有錢人點成功點勁，之後我就會專登擺出一副不屑嘅表情，而佢地百份之九十以上都會上當，當頭棒喝一句：

「比你咁有錢你都做唔到人地咁啦」

我難掩心中嘅喜悅，少年你上當了！

「你憑咩話我唔得，我又未試過！」

當然每個人都會有機會擁有令人羨慕的地方，即使富二代都一樣。但如果你只係單純地羨慕佢地有錢有地位，就實在太不智，因為大家成長環境都唔同，比返同樣環境你或者你仔女，分分鐘可能你地仲成功過佢地！

你依家係咪發現原來一直以來，我地都係羨慕緊「運氣」！