【bb展開鑼】首日排隊戰況直擊

入場情況就沒有書展般誇張，但行到入展場之後，原來買入場券的位置要行到最遠的展館。由頭行到尾之後，終於行到售票處，以為不會有人龍，事實告訴大家錯了，因為條隊都是有蛇餅的，而排隊時數大約20-30分鐘左右，門票$25一張，記得連同$15一本的優惠券一齊買，皆因內裡有超多免費贈品等你攞。

如果這個時候不買優惠券，又或者在場外買了入場券的話，就要再入展場內排隊買，這裡又要花15-30分鐘再排隊了。

另外，有奶粉商亦特別設購票專線，不過由於只有一個櫃位負責，所以人龍比較長。

雪印福袋一早派完。

BB展現場，最受歡迎的一定是各大奶粉商的攤位，只要排隊登記入會即免費送各種禮品，而現場所見，大部份奶粉、尿片的攤位，早早已經佈滿排隊人潮，所以各位爸媽最好鎖定目標，先排心儀攤位為妙，因為各個受歡迎攤位，都分幾條隊排，每條隊有不同禮品，各條又要分約1小時至1.5小時才排到，真是少點腳骨力都不能。

詳細可參考：【做足準備】BB展2016攞著數攻略

首天現場超多人，大部分贈品及福袋都於兩小時內快速送完。至於現場有乜抵買？一齊睇睇啦！

思詩樂是其中一個極受歡迎的攤位，Like FB加Coupon Book贈券即送試用裝。

思詩樂今年會場推出的優惠價。

美素佳兒現場設有講座，有BB公仔實戰教學，聽完有贈品送。

買奶粉送嘅贈品最勁，大大件玩具免費送！

好多爸爸都有備而來，推埋喼來放奶粉。

成座山咁高嘅贈品！

超級大豐收！

現場亦設有多場實用的育兒資訊講座，行到攰可以坐低聽下先。

Philips Avent今年會場提供的優惠產品系列。

六甲村月亮枕只售$239。

大量幼兒玩具半價優惠。

學習杯$79買一送一，抵玩！

$29一set幼兒湯匙。

45折munchkin學習杯只售$39。

多個品牌都設有換片區，方便帶同小朋友前來的媽媽。

另有哺乳室提供給在場媽媽使用，非常貼心！